Публикации » Çул-йĕр çинче тимлĕ пул

30 марта 2011 г.

Районти ГИБДД уйрăмĕн ĕçченĕсем районти çул-йĕрсем çинчи лару-тăрăва çирĕп алăра тытас тĕлĕшĕпе сахал мар ĕç пурнăçлаççĕ. Нарăс-пуш уйăхĕсенче инспекторсем тĕрлĕ шкулта класс сехечĕсене, ашшĕ-амăшĕсен пухăвĕсене хутшăнса "Çул-йĕр çинче тимлĕ пул" темăпа тухса калаçнă. Тĕл пулусем вăхăтĕнче вĕсем вĕренекенсене çул-йĕрĕн ансат правилисемпе паллаштарнă, хăйсене çул çинче мĕнле тытмаллине ăнлантарнă. Пуш уйăхĕн 21-31-мĕшĕсенче республикăра, çав шутран районта та, "Внимание! Каникулы!" акци пырать. ГИБДД ĕçченĕсем çак тапхăрта водительсемпе, ачасемпе тата вĕсен ашшĕ-амăшĕпе курнăçаççĕ. Çулсем çинче çĕрлехи вăхăтра уйрăмах тимлĕ пулма ыйтаççĕ инспекторсем, хăрушсăрлăх йĕркине пăхăнса тĕттĕмре автомашина фарисенчен ỹкекен çутăпа çуталакан ятарлă тумсем тăхăнма сĕнеççĕ.