Публикации » Нимĕç чĕлхине пĕлетпĕр

30 марта 2011 г.

Шупашкарти "Салют" культура керменĕнче Германи театрĕпе кино эрни иртнĕ. Пĕтĕм тĕнчери театр кунне халалласа шкул ачисем хушшинче нимĕç чĕлхипе спектакльсен конкурсне йĕркеленĕ. Унта Кивĕ Эйпеçри пĕтĕмĕшле пĕлỹ паракан тĕп шкул ачисем те хутшăннă. Р.Федорова вĕрентекен ертсе пынипе ачасем пĕр тăван Гриммсен "Белоснежка" юмахне лартса панă. Вĕренекенсем хăйсемех декорацисене ăсталанă, костюмсене çĕленĕ. Жюри членĕсем Кивĕ Эйпеç ачисем нимĕç чĕлхипе яка та уçăмлăн калаçнине, хăйсене сцена çинче тытма пĕлнине пысăк хак панă. Шкул команди I степень диплома, парнесене тивĕçнĕ. Вĕрентекене те Тав хучĕпе чысланă.