Публикации » Сыхланакана Турă сыхлать

30 марта 2011 г.

Районти антитеррор комиссийĕн черетлĕ ларăвне район администрацийĕн пуçлăхĕ Н.Миллин ертсе пынă. Пирĕн районта террори-змран хỹтĕлемелли чи пысăк пĕлтерĕшлĕ объектсенчен пĕри Раççей Перекет банкĕн Канашри уйрăмĕн Елчĕкри хушма офисĕ шутланать. Унта куллен çĕр-çĕр çын çỹрет. Çавăнпа инкек-синкек пуласран уйрăмах тимлĕ пулмалла. Ку енĕпе пурнăçлакан ĕçсем çинчен ларура хушма офис заведующийĕ А.Шадриков каласа панă. Çавăн пекех комисси ларăвĕнче Кĕçĕн Таяпа ял тăрăхĕнчи антитеррор комиссийĕн ĕçĕ-хĕлĕпе унăн ертỹçи В.Власов, Елчĕк районĕнчи антитеррор комиссийĕн 2010 çулхи ĕç итогĕсемпе тата 2011 çулхи ĕç планĕпе районти антитеррор комиссийĕн секретарĕ А.Клементьев паллаштарнă.