26 марта 2011 г.
Николай Тимофеевич НОВИКОВ (30.03.1936) Кавалта çуралнă. "Победа" колхозра, "Комбайн" ЯХПКра тракторист, комплекслă бригада бригадирĕн техника енĕпе ĕçлекен пулăшуçи, сад бригадирĕ, комплекслă бригада бригадирĕ пулса ĕçленĕ. Чăваш АССР ял хуçалăхĕн тава тивĕçлĕ ĕçченĕ. Мария Ефимовна МИХЕЕВА (01.04.1941) Патăрьел районĕнчи Кивĕ Туçара çуралнă. Республикăри культурăпа çутĕç училищине вĕренсе пĕтернĕ. 1963-1998 çулсенче Лаш Таяпари библиотека заведующийĕнче ĕçленĕ. Чăваш АССР культурăн тава тивĕçлĕ ĕçченĕ. РСФСР культура министерствин Хисеп грамотипе, медальсемпе наградăланă. Геннадий Зинонович БАРАНОВ (01.04.1961) Аслă Пăла Тимешре çуралнă. Чăваш педагогика институтне вĕренсе пĕтернĕ. 1986 çултанпа Аслă Пăла Тимешри шкулта физкультура учителĕ пулса ĕçлет. Ардальон Васильевич МАЙКОВ (03.04.1931 - 18.01.1991) Аслă Елчĕкре çуралнă. Ленин ячĕллĕ хуçалăхра механизатор, трактор бригадин бригадирĕ, сĕт-çу ферминче оператор пулса ĕçленĕ. "Хисеп Палли", Октябрьти Революци орденĕсемпе, КПСС Чăваш обкомĕн, Чăваш АССР Министрсен Совечĕн Хисеп грамотипе, ВДНХн кĕмĕл, пăхăр медалĕсемпе наградăланă.