26 марта 2011 г.
"Елчĕк ен" хаçатра кăçалхи пуш уйăхĕн 5-мĕшĕнче "Нушаллă юлашки çул" материал пичетленсе тухнăччĕ. Мĕн туса ирттернĕ çак тапхăрта Аслă Таяпа ял тăрăхĕн администрацийĕ? Рейд вăхăтĕнче çак ял тăрăхне кĕрекен 3 ялта пултăмăр. Аслă Таяпа, Шуршу, Чăваш Тăрăм ялĕсенче урамсене юртан тасатса тăрассипе мĕнле ĕçленине тишкертĕмĕр. Чăнах, Аслă Таяпа ялĕнче "Луговая" тата "Лесная" урамсене юртан тасатма шутламан та. Чăваш Тăрăм ялĕнче Çĕнĕ, Ту, Чакаккасси, Хурамакасси, Юхан шыв урамĕсенче, Иванов тăкăрлăкĕнче те çавăн пек ỹкерчĕк. Çав вăхăтрах кунти Малтикас, Тĕп, Аялти кассенче çула уçнă, анчах питĕ тăвăр. Шуршура та Çĕнĕ урам, Çамрăксен, Чапаев урамĕсене те юртан тасатма шутламан. Ялти Тĕп урампа Ту урамне питĕ тăвăр уçнă. Ял тăрăхĕн администрацийĕн пуçлăхне 10-20 пин тенкĕ штрафлама пултараççĕ. Çавăнпа ытти ял тăрăхĕсене те асăрхаттарса хăварасшăн. Сăн ỹкерчĕкре: çакнашкал ỹкерчĕк кашни ялтах.