Публикации » Упăшки вĕлернĕ

26 марта 2011 г.

Чăваш Республикинчи Следстви Управленийĕн Патăрьелĕнчи районсем хушшинчи следстви пайĕ Раççей Федерацийĕн уголовнăй кодексĕн 111 статйин 4 пайĕпе килĕшỹллĕн Елчĕк районĕнчи М. тĕлĕшĕпе уголовнăй ĕç пуçарнă. 2011 çулхи нарăсăн 23-мĕшĕнче 42 çулхи М. килĕнче пулнă. Каçхине вăранса кайнă та мăшăрĕ килĕнче çуккине асăрханă, ăна шырама тапратнă. Арçын мăшăрĕ ỹсĕр пулнине асăрханă хыççăн вĕсем хушшинче хирĕçỹ пуçланнă. М. арăмне çапа-çапа хĕнесе пĕтернĕ. Йывăр суранланнă хĕрарăм килĕнчех вилсе кайнă. Асăннă уголовнăй ĕçе тĕпчесси малалла пырать. Хĕрарăм упăшки аллинчен вилнĕ тĕслĕх районта пĕрре анчах пулмарĕ. Кăçалхи нарăс уйăхĕнче Елчĕк район сучĕ çакăн евĕр преступлени тунă Курнавăш ял тăрăхĕнчи гражданина 8 çула çирĕп режимлă колоние яма йышăну кăларчĕ.