Публикации » Видеоçыхăнупа та граждансене йышăнаççĕ

23 марта 2011 г.

Елчĕк районĕнче пурăнакансемшĕн пĕрремĕш видеоçыхăну пуш уйăхĕн 29-мĕшĕнче иртет. Çак кун 14-16 сехетсенче çынсене Пенси фончĕн республикăри уйрăмĕн управляющийĕ тата 2 пайĕн ертỹçисем консультаци параççĕ. Вĕсем пенсипе тивĕçтерессинчен пуçласа çемье капиталĕпе усă курасси таранах ыйтусем çине хуравлаççĕ. Пенси фончĕн Елчĕк районĕнчи управленийĕн "хĕрỹ линийĕн" телефонĕсем: 2-62-32, 2-53-56. Çынсен ыйтăвĕсене çĕнĕ формăпа усă курса хуравлани йăлана кĕнĕ формăна та сыхласа хăварма май парать - çынсене вырăна тухса йышăнасси. Унта республика уйрăмĕн специалисчĕсем ĕç коллективĕсемпе, ял çыннисемпе, уйрăм çынсемпе консультацисем ирттереççĕ.