05 марта 2011 г.
Чăваш Республикин культура, национальноçсен ĕçĕсен, информаци политикин тата архив ĕçĕн министерстви пĕлтернĕ тăрăх, пуш уйăхĕн 10-18-мĕшĕсенче пĕтĕм Раççей шайĕнче "Сообщи, где торгуют смертью" ятпа наркотике хирĕçле акци иртет. Унăн иккĕмĕш тапхăрне чỹк уйăхĕн 10-18-мĕшĕсенче йĕркелеме палăртнă. Наркотикпе суту-илỹ тăвассине, унпа усă курассине хирĕç кĕрешес тата профилактикăлас ĕçе общественноçа та явăçтарас, ку енĕпе оперативлă информаци йышăнассине йĕркелес, наркоманипе чирлисене вăхăтра консультаци тата сиплев пулăшăвĕ парас тĕллевпе йĕркеленĕ асăннă акцие. Инкек тỹснисем тата наркотикпе суту-илỹ тăвакансем пирки хыпарлас текенсем валли 8(8352) 23-01-00 номерлĕ "шанăç телефонĕ" ĕçлет.