Публикации » Çĕкленĕ палăк космонавтăн

02 марта 2011 г.

2011 çулхи ака уйăхĕн 12-мĕшĕнче СССР космонавчĕ Юрий Гагарин пĕрремĕш хут космоса çĕкленсе тĕнчипе палăрнăранпа 50 çул çитет. Çавна май Раççейре кăçалхи çула Космонавтика çулталăкĕ тесе палăртнă. Тепĕр çул вара, çурла уйăхĕн 11-15-мĕшĕсенче, пирĕн ентешĕмĕр, икĕ хут Совет Союзĕн Геройĕ ята тивĕçнĕ Андриян Николаев летчик-космонавт космосра пулнăранпа çур ĕмĕр çитет. Çак пĕлтерĕшлĕ пулăма халалласа Чăваш Республикин вăрçăпа ĕç, хĕç-пăшаллă вăйсен, право органĕсен ветеранĕсен Чăваш Республикинчи Канашĕн президиумĕн пуçарăвĕпе А.Г.Николаева чысласа кăçалхи çурла уйăхĕн 11-мĕшĕ тĕлне тивĕçлĕ палăк хатĕрлесе лартма йышăннă. Çавна май 2011 çулхи çу уйăхĕн 1-мĕшĕччен палăк хатĕрлеме халăхран укçа пуçтарас ĕç пырать. Асăннă пуçарăва Чăваш Республикин Президенчĕ Михаил Игнатьев та ырланă. Хамăрăн космонавтăмăрăн палăкне çĕклеме кăмăл тăвакан кашни çынах çак ĕçре хăйĕн тỹпине хывма пултарать.