Публикации » Донор - хисеплĕ çын

02 марта 2011 г.

Тỹлевсĕр юн парасси, хăйĕн юнĕпе чирлисен пурнăçне çăласси - кашни сывă çыннăн гражданла тивĕçĕ. Хальхи медицина нумай-нумай тĕрлĕ эмелпе усă курать. Анчах та хăш-пĕр йывăр чирсенчен юн ямасăр сипленме çук. Юнăн пĕртен-пĕр çăл куçĕ вара - хăй ирĕкĕпе, чĕре хушнипе юн паракан çын - донор. Ун пек çын теприне çăлас тесе анлă кăмăл-сипетлĕх кăтартать. Донор ретне 18-65 çулсенчи кашни сывă çын тăма пултарать. Юн парас умĕнхи кун çуллă тата йỹçек апат çимелле мар, эрех ĕçме юрамасть. Юн илнĕ çынна ĕç е вĕренỹ вырăнне тăратма справка, 100 тенкĕ укçа параççĕ. Çумра паспорт пулмалла. Хисеплĕ ентешĕмĕрсем! Донор ретне тăма тăрăшăр. Инкеке лекнĕ нумай çын сирĕн юна кĕтет. Донор юхăмне хутшăнни патриотизм туйăмĕ пысăккине пĕлтерет. Хăвăрăн витĕмлĕ тĕслĕхĕрпе юлташăр-пĕлĕшĕре хавхалантарăр.