Публикации » Пĕвесене çĕнетме - субсиди

26 февраля 2011 г.

Республикăра 3,5 пин гидротехника хатĕрĕ, çав шутран пĕверен юхтарса кăлармалли 1062 гидроузел. Вĕсене пурне те 30-40 çул каяллах тунă, ытларахăшĕн усă курмалли вăхăчĕ те тухнă. Бюджетра укçа-тенкĕ çителĕксĕррине пула вĕсене юсаса çĕнетессин вăхăчĕ шав кая юлса пынă. Пĕвесене юсаса çĕнетме Чăваш Республикин Министрсен Кабинечĕн Раççей Федерацийĕнчи Шыв ресурсĕсен агентствине "Чăваш Республикин 2010, 2011 тата 2012 çулсенчи малашлăх тапхăрăн республика бюджечĕ çинчен" саккунне улшăну кĕртнĕ чухне 326,932 пин тенкĕ хушасси çинчен пĕлтернĕ. Пытармалли çук, пĕвесене çĕнетме уйăракан укçа-тенкĕ çав тери сахал. Çапах та 2006 çултан пуçласа Чăваш Ене куçарнă укçа ỹссе пынă. Малашне те çапла пуласса шанас килет.