26 февраля 2011 г.
Раççей Президенчĕ Д.Медведев Ярославльте иртнĕ пĕтĕм тĕнчери конференцире "Раççей, малалла!" статйипе тухса калаçнă чух çапла палăртнăччĕ: "Взятка илесси, вăрăлăх, ăспа тата чунпа кахалланни, ĕçкĕпе иртĕхни вара - пирĕн йăласене хур кỹрекен çитменлĕхсем. Вĕсенчен татăклă хăтăлмалла". Юлашки вăхăтра çĕр-шыв коррупцие хирĕç кĕрешес тĕлĕшпе тимлĕ ĕçленине куратпăр. Ку енĕпе район прокуратури те çанă тавăрсах ĕçлет. 2010 çулта прокуратура ĕçченĕсем коррупцие хирĕçле 7 преступлени регистрациленĕ. Вĕсен йышĕнче - должноç полномочийĕпе киревсĕр усă курни, çав полномочисен картинчен тухни, бюджет тата организаци укçине вăрлани, ĕç вăхăтĕнче сотрудника взятка пама тăни.