Публикации » Конкурссенче активлă

22 февраля 2011 г.

Тăрăм шкулĕнчи 9-мĕш класра вĕренекен Игорь Егоров шкулта иртекен мероприятисене хастар хутшăнать. Тĕрлĕ предметпа йĕркеленекен конкурссенче те активлă вăл. Сăмахран, вырăс чĕлхипе иртекен "Русский медвежонок", математикăпа - "Кенгуру", чăваш чĕлхипе "Чĕвĕлти чĕкеç" вăйă-конкурссенче кашни çулах палăрать. Чăваш çыравçи Митта Ваçлейĕ 100 çул тултарнине халалланă шкул шайĕнчи викторинăра та 1-мĕш вырăн йышăннă вăл. Çавăн пекех ача районта Г.Волков академика халалласа ирттернĕ калавсен конкурсĕнче çĕнтернĕ, республика шайĕнче "ExcelSior" ятпа иртекен конкурсра 2 хут 1-мĕш вырăна тухса диплом çĕнсе илме пултарнă.