Публикации » Ачасемшĕн нимĕн те шеллемĕн

22 февраля 2011 г.

"Ачалăхшăн, ачалăх ячĕпе" ыр кăмăллăх марафонĕ старт илнĕренпе уйăх иртрĕ. 15-мĕш ыр кăмăллăх марафонне Елчĕксем те хастар хутшăнаççĕ. Хальлĕхе районти чылай организаци, предприяти, учреждени коллективĕсем, уйрăм çынсем республикăри ача-пăча фондне 126815 тенкĕ укçа куçарнă. Шкулсенчен ырă тĕслĕх кăтартакансем - Чăваш Тăрăмсемпе Курнавăшсем тата Елчĕксем. Ача правине хỹтĕлекен районти уполномоченнăйĕ Г.Уфукова пуçарулăхĕпе районти сывлăх сыхлавĕн ĕçченĕсем марафон счечĕ çине пĕр кунхи ĕç укçине (15 пин тенкĕ ытла) хывнă. Иртнĕ çул пирĕн район çыннисем марафона 89429 тенкĕ куçарнă, çавăн пекех нумай ачаллă тата сахал тупăшлă çемьесене пулăшса кĕпе-тумтир, куллен кирлĕ ытти таварсем парса пулăшнă.