Публикации » Юр яла кĕртмест, кăлармасть

16 февраля 2011 г.

Кăçал çине-çинех юр çуса тăни чылай чăрмав кỹрет. Çулсене юртан вăхăтра тасатса ĕлкĕрейменрен центртан аякри ялсенче пурăнакансене ĕçе, шкула е ытти çĕре вăхăтра çитессинче чăрмав кỹнĕ тĕслĕхсем те пĕрре анчах мар пулчĕç. Центртан аякра вырнаçнă Кĕçĕн Патреккел, Петровка ялĕсем юрлă, çил-тăвăллă çанталăк хыççăн çулсене чылай хушă тасатманран уйрăмах шар кураççĕ. Çак таврашра пурăнакансем пĕлтернĕ тăрăх, Петровкăна кĕрекен çула Çĕнĕ çул уявĕсем хыççăн вуçех те хырман. Çын чирлесен те вăхăтра больницăна илсе çитерме, е тухтăр чĕнсе илме çукки пăшăрхантарать ватăсене. Çăкăр туянса çиесси пирки вара ĕмĕтленмелли çеç юлать.