Публикации » Начар йăларан асăрханасчĕ

16 февраля 2011 г.

Никамшăн та вăрттăнлăх мар, пирус туртни - чи начар йăласенчен пĕри. Тĕрлĕ массăллă информаци хатĕрĕсенче çакăн пирки асăрхаттарсах тăраççĕ пулин те, табак туртакансен йышĕ чакмасть. Çынсене, уйрăмах çамрăксене, табак туртассинчен асăрхаттарасси муниципалитет библиотекисен тĕп тĕллевĕсенчен пĕри пулса тăрать. Çак тĕллевпе тĕрлĕ мероприяти ирттереççĕ. Районти тĕп библиотекăра "Коллекция доброго здоровья" журнал çырăнса илеççĕ. Унăн 6-мĕш кăларăмне "Табак туртма пăрахатпăр" тематикăна халалланă. Унта вулакансем табак историне, унран мĕнле çыхăнăва кĕрсе ỹкнине, пирус-табак туртассинчен хăтăлмалли майсене çырса кăтартнă.