Публикации » Республикăра палăраççĕ

09 февраля 2011 г.

Республикăра шкул ачисем хушшинче иртекен олимпиадăсен виççĕмĕш тапхăрĕ малалла пырать. Нимĕç чĕлхи тата технологи предмечĕсемпе иртнĕ тупăшура район чысне Кушкăри пĕтĕмĕшле пĕлỹ паракан вăтам шкулти 11-мĕш класри Александр Портновпа 10-мĕш класри Айсылу Сунгатуллина хỹтĕлерĕç. Саша республикăра 3-мĕш, Айсылу тăваттăмĕш вырăн йышăнма пултарчĕç. А.Портнов тăваттăмĕш çул республикăра мала тухни Г.Елисеева вĕрентекене чыс кỹрет. Сăмах май каласа хăвармалла, Саша Чăваш Республикин Президенчĕн стипендиачĕ. Технологи предмечĕпе тупăшнă Катя Гордеевăпа Таня Емильева 3-мĕшпе 4-мĕш вырăнсене çĕнсе илчĕç. Тутар чĕлхипе тата литература олимпиадинчен те пăрăнмарĕç Кушкăсем. Аделия Ахметзянова, Румия Давлетшина, Лилия Юсупова республикăра виççĕмĕш вырăнсене тухма пултарчĕç.