Публикации » Оборонăпа спорт уйăхлăхĕ пырать

02 февраля 2011 г.

Район администрацийĕн пуçлăхĕн Н.Миллинăн йышăнăвĕпе килĕшỹллĕн кăрлачăн 23-мĕшĕнчен пуçласа нарăс уйăхĕн 23-мĕшĕччен районта массăллă оборонăпа спорт уйăхлăхĕ иртет. Çавна май уйăхлăха халалласа йĕркелỹ ушкăнĕ туса хунă, мероприятисен планне çирĕплетнĕ. Уйăхлăха шкулсем те активлă хутшăнаççĕ, патриотла темăсене çĕклесе тĕрлĕ мероприяти, спорт ăмăртăвĕсем йĕркелеççĕ. Çирĕклĕ Шăхальти пĕтĕмĕшле пĕлỹ паракан вăтам шкулти 9-11-мĕш классенче çак кунсенче "Вăрçă çулĕсем" ятпа хăюлăх урокĕсем иртнĕ. Урокра сăмах Ленинград блокадинче нуша тỹснĕ совет халăхĕ пирки пынă. Директорăн воспитани енĕпе ĕçлекен çумĕ Г.Чернова вĕренекенсене "Çав çулсене пуç таяр", "Пирĕн ентеш Ленинград блокадинче пулнă" ятпа хатĕрленĕ презентацисемпе паллаштарнă.