Публикации » Пĕрисем тасатаççĕ, теприсем варалаççĕ

29 января 2011 г.

Елчĕк-Патăрьел-Калинино автоçулпа кунсерен чылай транспорт иртет, хушăран кунта çуран çынсене те асăрхама пулать. Çул хĕррипе çуран утнă май çут çанталăкпа киленсе пыма уйрăмах меллĕ. Çак кунсенче Елчĕкрен тухса Кавал енне иртме тỹр килчĕ. Çапах та тавралăхпа киленес вырăнне кăмăл анчах пăсăлчĕ. Çулăн икĕ аяккипе сапаланса выртакан тĕрлĕ ăпăр-тапăр тултарнă хутаçсем пĕр тĕлĕнтерчĕç, пĕр тарăхтарчĕç. Юлашки çулсенче тавралăха тасалăхра тытас енĕпе халăх культури те çỹлеллех çĕкленсе пыни сисĕнет. Çав вăхăтрах пирĕн хушăмăрта çут çанталăка сĕмсĕррĕн варалакансем пурри никама та чыс кỹмест.