Публикации » Елчĕксем олимпиадăсенче те палăрнă

29 января 2011 г.

 Шкул ачисен пĕтĕм Раççей шайĕнчи олимпиадисен регионти тапхăрĕ кăрлачăн 13-мĕшĕнче пуçланнă. Асăннă тапхăрта 23 предмет олимпиадине ирттерме палăртнă. Паянхи кун тĕлне 8 предметпа иртнĕ олимпиадăра Елчĕк район вĕренекенĕсем начар мар кăтартусемпе палăрнă. Кушкă шкулĕнче 11-мĕш класра вĕренекен Александр Портнов нимĕç чĕлхи (ертỹçи - Г.Елисеева), Екатерина Гордеева технологи (С.Голубева) предмечĕсемпе иртнĕ олимпиадăсенче 3-мĕш, Лаш Таяпа шкулĕнчи 11- мĕш класри Алексей Павлов биологи (И.Павлова), Таяпа Энтри шкулĕнчи 9-мĕш класри Наталья Траншкина обществознани (Р.Макарова) предмечĕсемпе иртнĕ олимпиадăсенче 1-мĕш тата 2-мĕш вырăнсене йышăннă. 9-мĕш класри Татьяна Емильевăпа (Кушкă шкулĕ) Кирилл Марков (Кивĕ Эйпеç шкулĕ) технологи предмечĕн олимпиадинче - пиллĕкмĕш, 10-мĕш класри Айсылу Сунгатуллина (Кушкă шкулĕ) нимĕç чĕлхи предмечĕн олимпиадинче 4-мĕш вырăн йышăннине те палăртса хăварар.