Публикации » Çĕнĕ çула - çĕнĕ утăмпа

22 января 2011 г.

Кивĕ Çĕнĕ çула Çирĕклĕ Шăхалĕнчи ваттисем тата инвалидсем вăхăтлăх пурăнакан çуртĕнче анлă паллă турăмăр. Нихçан манăçми кун пулса тăчĕ вăл кунта пурăнакансемшĕн. Çак кун Анатолий Муратовпа Елизавета Захарова çемье чăмăртарĕç. Анатолий Андреевич пирĕн пата иртнĕ çулхи юпа уйăхĕнче килчĕ. Кĕске вăхăт хушшинчех вăл пултарулăхĕпе, ĕçченлĕхĕпе тĕлĕнтерчĕ. Ăна Çирĕклĕ Шăхальсем лайăх пĕлеççĕ. 30 çул ытла шкулта тăрăшрĕ. Елизавета Ивановна типтерлĕ те ĕçчен, харсăр хĕрарăм. Вăл кунта виçĕ çул. Пултаруллă ватăсене çемье чăмăртанă ятпа ЗАГС пайĕн начальникĕ В.Спиридонова, социаллă хỹтлĕх пайĕн начальникĕ И.Аникина, халăха социаллă пулăшу паракан центр начальникĕ Л.Александрова саламларĕç. Ваттисен çуртĕнче те Муратовсене пĕрле пурăнакансемпе культура ĕçченĕсем телей, çирĕп сывлăх сунчĕç.