Публикации » "Юмахра - хăнара"

31 декабря 2010 г.

Чăваш Республикин Президенчĕн Михаил Игнатьевăн "Чăваш Республикинчи театр искусствине аталантармалли хушма мерăсем çинчен" Указне пурнăçласа, ачасемпе çамрăксене театр тĕнчипе çывăхлатас тĕллеве мала хурса районта "Юмахра - хăнара" ятпа Çĕнĕ çул фестивалĕ иртнĕ. Фестивалĕн 1-мĕш тапхăрĕнче çĕнтернĕ коллективсене Елчĕкри культурăпа кану центрне йыхравланă. Вĕсен пултарулăхĕпе паллашнă май жюри членĕсем Елчĕкри культурăпа кану центрĕ çумĕнче йĕркеленнĕ "Йăвача" коллектива (ертỹçи А.Уркина) чи пултарулли тесе палăртнă. Куракансене вăл "Çĕнĕ çул умĕнхи тĕлĕнтермĕшсем" юмахпа савăнтарнă. 2-3-мĕш вырăнсенче - Курнавăшри культурăпа кану центрĕ çумĕнчи "Сенкер чаршав" (П.Смирнов), Кивĕ Арланкассинчи "Тарават" (А.Александрова) коллективсем. "Чи лайăх ача-пăча ролĕ" номинацинче вара "Çĕнĕ çул умĕнхи тĕлĕнтермĕшсем" юмахра хура кушак рольне вылянă Настя Кудряшова çĕнтернĕ.