Публикации » Кашниех пăхăнмалла

29 декабря 2010 г.

Çул-йĕр çинче час-часах çуналлă лашасене асăрхама пулать. Паянхи кун районти ял хуçалăх предприятийĕсенче - 95, уйрăм хуçалăхсенче 198 лаша çунине шута илнĕ. Тилхепе тытса пыракансем чылай чухне çул-йĕр правилисене пăхăнмасăр çуран çỹрекенсемпе ытти транспорт хатĕрĕсене пысăк хăрушлăха кĕртсе ỹкереççĕ. Вĕсен айăпне пула кỹршĕллĕ Комсомольски тата Патăрьел районĕсенче аварисем пулнине, инкексем вăхăтĕнче çынсем вилнине палăртмалла. Çакăн евĕр тĕслĕхсенчен асăрханса ял тăрăхĕсенче, ял хуçалăх предприятийĕсенче лаша çунисен хуçисемпе ăнлантару ĕçĕсем ирттерме, вĕсене çула тухас умĕн çул-йĕр правилисемпе паллаштарма сĕнетпĕр.