25 декабря 2010 г.
Районти пĕтĕмĕшле пĕлỹ паракан шкулсенче юртан тĕрлĕ кĕлеткесем тăвас енĕпе конкурссем ирттересси йăлана кĕчĕ. Елчĕкри вăтам шкулта 5-11-мĕш классенче вĕренекенсем кĕлеткесене тунă чухне ал айĕнчи материалсемпе - кантрапа, ялавсемпе, пробкăсемпе, тĕслĕ пăр татăкĕсемпе усă курнă. Кĕлеткесене илем кỹме хĕрлĕ чĕкĕнтĕр, сухан, кишĕр сĕткенĕсем кайнă. Курнавăшри вăтам шкулта вĕренекенсем юмахсенчи сăнарсене сăнланă. Кунта Юр Пикене, Емеля кăмакине, Шапа-патша хĕрне, ытти сăнарсене курма пулать. Çапах та вĕренекенсем çитес çулăн тĕп символне - мулкачпа кушака суйласа илни палăрнă. Çĕнтерỹçĕсене грамотăсемпе, пылак призсемпе чысланă.