25 декабря 2010 г.
Наркотиксене хирĕç кĕрешекен районти комиссин кăçалхи юлашки ларăвĕнче "Çамрăксем - сывă пурнăç йĕркишĕн" районти акцине пăхса тухнă, район администрацийĕн вĕрентỹпе çамрăксен политикин диагностикăпа консультаци центрĕ психактивлă япаласене хирĕç кĕрешсе мĕнле ĕçсем туса ирттернине тишкернĕ, Çирĕклĕ Шăхаль, Аслă Таяпа, Кĕçĕн Таяпа, Аслă Елчĕк ял тăрăхĕсенчи комиссисен председателĕсен отчечĕсене итленĕ. Районти çамрăксем сывă пурнăç йĕркине тытса пыччăр тесе шкулсенче тĕрлĕрен мероприятисем ирттернĕ. Районти шалти ĕçсен пайĕнчен пĕлтернĕ тăрăх, кăçал мăкăнь улăмне саккунсăр упранă 2 тĕслĕх тупса палăртнă, 5 çын ячĕпе административлă протокол çырнă.