Публикации » Çĕнĕ çул уявне - депутатпа

22 декабря 2010 г.

Раççей Федерацийĕн Патшалăх Думин депутачĕ, "Единая Россия" фракци членĕ Павел Семенов район халăхĕшĕн сахал мар ырă ĕç тăвать. Çамрăк ăрăва та, аслă ăрурисене те тимлĕхсĕр хăвармасть вăл. Депутат кăçалхи Çĕнĕ çул уявĕнче те район ачисене хăй йĕркелекен елкăра савăнма май туса парать. Раштав уйăхĕн 28-мĕшĕнче Елчĕкри культурăпа кану центрĕнче иртекен депутат елкине вĕренỹре "5" паллăсемпе ĕлкĕрсе пыракан тăрăшуллă тата ятарлă конкурссенче çĕнтернĕ шкул ачисемпе ача садне аслă ушкăна çỹрекен шăпăрлансем хутшăнĕç. Уяв программи пуян пулĕ, клоунсемпе фокусниксем, юмах паттăрĕсем ачасене чунтан савăнма май парĕç.