22 декабря 2010 г.
Районти террора хирĕç кĕрешекен, синкерлĕ лару-тăрăва сирсе яракан тата пушар хăрушсăрлăхне тивĕçтерекен комиссисен пĕрлехи ларăвĕ иртнĕ. Ăна район администрацийĕн пуçлăхĕ Н.Миллин ертсе пынă. Ларура районти сывлăх сыхлавĕн объекчĕсене пушартан сыхламалли мерăсем çинчен районти тĕп больницăн тĕп тухтăрĕ Н.Уркова пĕлтернĕ. Ку енĕпе шалти ĕçсен районти пайĕн ертỹçин çумĕ В.Викторов, патшалăх пушар асăрхавĕн уйрăмĕн ертỹçи А.Васильев, район администрацийĕн гражданла оборона, синкерлĕ лару-тăру енĕпе ĕçлекен пайĕн ертỹçи А.Клементьев тĕрлĕ сĕнỹсем панă. Çĕнĕ çул уявне ăнăçлă ирттерсе ярас енĕпе районти службăсен ертỹçисем А.Кузнецов, В.Викторов, Н.Уркова, А.Львова, Ю.Хушкин, А.Васильев, А.Александрова пĕлтернисене итленĕ. Асăннă ыйтусемпе тивĕçлĕ йышăнусем тунă.