Публикации » Тивĕçлипе айăпланă

15 декабря 2010 г.

Элпуç ялĕнчи Н. хирĕçỹ вăхăтĕнче пĕрле пурăнакан хĕрарăма - Кармал ялĕнчи А.-на йĕптĕрпе чиксе сусăрлатни пирки маларах хаçатра çырнăччĕ. Район сучĕ Н. ĕçне пăхса тухнă. Инкек тỹснĕ А. Н. тĕлĕшĕпе пуçарнă уголовнăй ĕçе чарса хума ыйтнă, çак ыйтăва хĕрарăм хăйсен çамрăк ачине пĕрле ỹстернипе, преступлени хыççăн сывлăх тĕлĕшĕпе йывăрлăхсем пулманнипе сăлтавланă. Елчĕк район сучĕ Н.-на Раççей Федерацийĕн Уголовнăй Кодексĕн 30 статйин 3, 105 статйин 1 пайĕсемпе килĕшỹллĕн айăплă тесе йышăннă. Айăплав тăратнă чух суд Раççей Федерацийĕн Уголовнăй кодексĕн 64 статйипе усă курнă, айăпçăна 4 çул çирĕп режимлă юсану колонине яма йышăну кăларнă.