15 декабря 2010 г.
Ял тăрăхĕн администрацийĕн пуçарăвĕпе Лаш Таяпа ялĕнче халĕ хоккей площадки те тăваççĕ. Хоккей вăййин ветеранĕсем - "Вăрнарти аш-какай комбиначĕ" ОАОн генеральнăй директорĕ Ю.Попов, В.Меметов предприниматель, Алексейпе Анатолий Васильевсем, А.Арефьев, А.Дмитриев, А.Николаев фермерсем, С.Самсонов, О.Александров, А.Ильин тата ытти çамрăксем строительство материалĕсем туянма пулăшнă. Пулăшу аллине тăсакансем кашни кунах хушăнса пыраççĕ. Площадка ялти культура çурчĕпе юнашар пулать. Ăна тума хоккей вăййин ветеранĕсем, ял çамрăкĕсем, пĕтĕмĕшле пĕлỹ паракан вăтам шкулăн аслă класĕсенче вĕренекенсем хутшăнаççĕ. Часах хоккей площадки çак вăййа юратакансене йышăнма хатĕр пулĕ.