Публикации » Пĕвесене тасатаççĕ

15 декабря 2010 г.

Лаш Таяпа ял тăрăхне кĕрекен ялсенче кăçал палăрмаллах пысăк ĕçсем туса ирттереççĕ. Типĕ çанталăкра Яманчỹрелти тата Çĕнĕ Пикшикри икшер, Лаш Таяпари пĕр пĕвене юшкăнран тасатса тарăнлатнă, вĕсен таврашне тирпей-илем кĕртнĕ. Çак кунсенче, сивĕ çанталăка пăхмасăр Çĕнĕ Эйпеçри пĕвене 1,5 метр таран тасатса тарăнлатас ĕçе те вĕçленĕ. Ял варринчи 40х60 метрлă пĕве çитес çул халăха савăнăç кỹрĕ. Çак пысăк ĕçе йĕркелесе ертсе пыракансем ял старости, ĕç ветеранĕ Г.Туманов тата унăн хĕрĕ - районти Депутатсен пухăвĕн депутачĕ М.Васильева пулнă. Экскаватор тытса ĕçлеттерме ял çыннисем килсерен 500-шер тенкĕ пуçтарнă.