Публикации » Юр çăвать, çăвать...

11 декабря 2010 г.

 Хĕл уйăхне кĕричченех çул-йĕр организацийĕсен ĕçĕ икĕ хут ỹсрĕ. Хĕлĕн малтанхи кунĕсенчех юр тăкăнчĕ те тăкăнчĕ, çил-тăманĕ алхасрĕ. Тем хулăнăш лартса хунă юра тасатас тесе районти çул çинче ятарлă 11 техника ĕçлерĕ. Çул-йĕр ĕçченĕсем чи малтанах обществăлла транспорт çỹрекен автомобиль çулĕсене тасатас тесе пысăк тимлĕх уйăрнă. Елчĕк ял тăрăхĕнчи рабочисем тротуарсене юртан тасатнă. Пĕтĕмĕшле илсен "Яльчикская" ДПМК производство кооперативĕ тата "Чăвашавтодорăн" Канашри участокĕн Елчĕкри уйрăмĕн хĕллехи тапхăрта 199 км çула пăхса тăмалла. Хальлĕхе аслă çулсенчи лару-тăру аптăрамасть-ха. Ялсенчи урамсене тасатасси пирки те манас марччĕ.