08 декабря 2010 г.
Шкул пурнăçĕпе çыхăннă пулăмсем нихăçан та асран тухмаççĕ. Манас çук пĕрле ĕçленĕ юлташсене. Вырăс чĕлхипе литературине вĕрентекенсем пĕр-пĕринпе туслă пурăнтăмăр: Людмила Павловна Данилова, Валерия Алексеевна Ефремова, Полина Кирилловна Салмина, Фаина Алексеевна Горелова, Антонина Михайловна Павлова. Вĕренỹ ĕçĕнчи кулленхи ыйтусене яланах пĕрле сỹтсе яваттăмăр. Экзаменсем вăхăтĕнче ачасем çырнă сочинени-изложенисене те пĕрлех тĕрĕс-леттĕмĕр. Хамăр вĕренекенсен пĕлỹ шайĕ ỹссе пынипе савăнаттăмăр. Асăннă вĕрентекенсенчен чылайăшĕ халĕ тивĕçлĕ канура, пĕр-пĕринпе час-часах курнăçаймастпăр пулин те, телефонпа шăнкăравласа калаçма, сывлăх çинчен ыйтса пĕлме майне тупатпăрах. Пĕр-пĕрне манманни, куç тĕлне туни те мĕн тери савăнăç! Тата мĕн кирлĕ пире?