Публикации » Хăйсене хаклама вĕренеççĕ

04 декабря 2010 г.

 Ĕçсĕр тăрса юлнă çыннăн пурнăçĕ тĕпрен улшăнать. Ăна хăйĕн пуласлăхĕ ытларах хăратма тытăнать. Маларах, пурте йĕркеллĕ чухне, вăл çакăн пек пулса тухасса шухăшлама та пултарайман. Тепĕр енчен, çакăн пек лару-тăру килсе тухни çыннăн кăмăл-туйăмне çирĕплетет, урăх ĕç суйласа илессинче хăйне тĕрĕслесе пăхма хистет. Çын çак майпа усă курма пултартăр тесе халăха ĕçпе тивĕçтерекен служба специалисчĕсем професси пулăшăвĕ параççĕ. "Ĕçе вырнаçасси" семинара та шăпах çак тĕллевпе йĕркелесе ирттернĕ. Ĕç рынокĕнче хỹтлĕхсĕр тăрса юлнисенчен ытларахăшĕ - çамрăк ачаллă хĕрарăмсем. Хальхинче те асăннă мероприятие çак категорири хĕрарăмсем ытларах хутшăннă. Вĕсем кунта психолог сĕнĕвĕсемпе паллашнă, хăйсене тĕрĕссипе хаклама вĕреннĕ.