Публикации » Киревсĕр йăласенчен пăрăнар

04 декабря 2010 г.

Сывă пурнăç йĕркине пропагандăлас ĕçре Елчĕкри тĕп библиотека ĕçченĕсем яланах пысăк хастарлăх кăтартаççĕ. Çак кунсенче вĕсем Елчĕк шкулĕнче аслă классенче пĕлỹ пухакансене йыхравласа СПИДа хирĕç пĕтĕм тĕнчери куна халалланă "Сывлăх сунатпăр" кĕнеке куравĕпе паллаштарнă, киревсĕр йăласенчен асăрхаттарса калаçу ирттернĕ. Елчĕк шкулĕнче вĕренекенсем çавăн пекех Елчĕкри культурăпа кану центрĕнче ШĔМĕн Елчĕк районĕнчи шалти ĕçсен пайĕн çул çитменнисемпе ĕçлекен подразделенин инспекторĕпе Л.Егоровăпа тата Елчĕкри тĕп больницăри нарколог тухтăрпа Р.Шаковăпа тĕл пулнă. Калаçу наркомани, табак туртнин, эрех-сăра ĕçнин сиенĕсем тавра пынă. Тĕл пулу вăхăтĕнче вĕренекенсене "Костяника" фильм кăтартнă.