Публикации » Ăмăртура палăрнă

01 декабря 2010 г.

Тутар Республикинчи Анатри Кама хулинче армспорт енĕпе ăмăрту иртнĕ. Унта 1993-1994 çулсенчи яшсемпе хĕрсем Атăлçи федераци округĕнче алă вăйĕ виçессипе мала тухассишĕн ăмăртнă. Чăваш Республикин командин йышĕнче Елчĕкри пĕтĕмĕшле пĕлỹ паракан вăтам шкулти 10-мĕш класра вĕренекен Ольга Ярославлева та пулнă. Вăл 45 килограмм виçеллĕ атлетсен хушшинче виç-çĕмĕш вырăна тухма пултарнă. Халĕ ăна яваплăрах ăмăрту та кĕтет - 2011 çулхи пуш уйăхĕнче Брянск хулинче иртекен Пĕтĕм Раççейри чемпионат финалне хутшăнĕ. Ольга Ярославлева Кĕçĕн Таяпари пĕтĕмĕшле пĕлỹ паракан тĕп шкулта вĕреннĕ чухнех алă вăйĕ виçессипе тĕрлĕ шайри ăмăртусене хутшăннă. Республикăра 40 килограмлă виçере çĕнтерỹçĕ те пулнă. Спорт мастерĕн кандидачĕ хăйĕн аппăшĕн - Елена Портнован çулне суйласа илни савăнтарать.