Публикации » Малашне кирлĕ пулĕ

01 декабря 2010 г.

Ĕç тупасси - çăмăл мар, шырав вăрах вăхăта та тăсăлма пултарать. Вăл ăнăçлă пултăр, ĕç тупассине вăраха ярас мар тесен малтан шутламалла, мĕнле пуласса тĕрĕс палăртса хумалла. Пĕрремĕш хут санпа тĕл пулакан, паллашакан ĕç паракан умĕнче хăвна мĕнле тытни те пĕлтерĕшлĕ. Унччен вара хăвăн шанчăклăхна тĕрĕслесе пăхмалла. Çак тĕллевпе халăха ĕçпе тивĕçтерекен центрта "Хăвна тĕрĕсле" психологи тренингĕ пулса иртнĕ. Ăна "Аспект" вĕрентỹпе методика центрĕн психологĕ А.Федорик ирттернĕ. Тренинга 10 çын хутшăннă. Вĕсем кунта çынпа мĕнле паллашмалли, тĕрлĕ лару-тăрура хăвна мĕнле тытмалли хăнăхусене алла илнĕ. Çаксем ĕçсĕр тăрса юлнă çынсене малашнехи пурнăçра кирлĕ пуласса шанса тăратпăр.