Публикации » Лару-тăру çăмăл мар

24 ноября 2010 г.

Районти çулсем çинче лару-тăру кăткăс. Çынсем инкеке лекнĕ тĕслĕхсем те сахал мар. Кăçалхи 10 уйăхра çынсем хутшăннипе çулсем çинче 10 авари пулнă. Çак инкексенче 1 çын пурнăçран уйрăлнă, 14-шĕ суранланнă. Иртнĕ çул çак тапхăрта 11 аварире 3 çын вилнĕччĕ, 13-шĕ суранланнăччĕ. Унсăр пуçне çулсем çинче транспорт хатĕрĕсем çеç сиенленнĕ 82 тĕслĕхе палăртнă. Хĕл çитрĕ, çавăнпа çулсем пăрлакланчĕç. Иртнĕ çулсенчи сăнавсем çирĕплетнĕ тăрăх, çак вăхăтра инкексен шучĕ йышланать. Мĕншĕн тесен водительсем пăрлак çул çинче çỹреме хăнăхман. Çавăнпа асăрхануллă пулни никама та пăсмасть.