Публикации » Район командисем палăрнă

17 ноября 2010 г.

Район çамрăкĕсен спортри çитĕнĕвĕсем пирки хыпарлама яланах кăмăллă. Çак кунсенче Чăваш Республикин Президенчĕн кубокне çĕнсе илессишĕн шкул ачисем хушшинче иртекен спартакиадăра Елчĕк шкулĕн вĕренекенĕсем футболла выляса 1-мĕш вырăна тухрĕç. Сĕтел çи теннисла выляса Шупашкарта иртнĕ финалта Елчĕксем 5-мĕш вырăна тухни те çитĕнỹ. Елчĕк чысне С.Васильев, А.Федоров (Елчĕк шкулĕ), Л.Максимова (Кĕçĕн Таяпа шкулĕ) хỹтĕленĕ. Шахматла выляса та район команди финала тухма пултарнă. Район чысне А.Изосимов (Елчĕк), Н.Николаев, А.Сусликова (Курнавăш) хỹтĕлĕç.