Публикации » Ентешĕмĕре халалласа

17 ноября 2010 г.

Çирĕклĕ Шăхалĕнчи пĕтĕмĕшле пĕлỹ паракан вăтам шкулта пĕрремĕш чăваш олимпиецĕ А.В.Игнатьев çуралнăранпа 80 çул çитнине халалласа спорт уявĕ иртрĕ. Ăна шкул директорĕ В.Карчиков уçрĕ. Директорăн воспитани енĕпе ĕçлекен çумĕ Г.Чернова ачасене "Ял вăййисенчен пуçласа Олимп вăййисем таран" презентаципе паллаштарчĕ. Унтан физкультура учителĕ О.Осипов 8-9-мĕш класс ачисем валли викторинăпа ăмăрту йĕркелерĕ. А.В.Игнатьева халалланă викторинăра 9-мĕш класс ачисем çĕнтерчĕç. Спорт ăмăртăвĕнче вара 8-мĕш класс ачисем вăйлăрах пулчĕç. Пĕрремĕш олимпиеца чысласа мероприятисем шкулта малалла та иртеççĕ. А.Иванова библиотекарь вĕренекенсем валли кĕнеке выставки йĕркеленĕ.