13 ноября 2010 г.
Районти ялсене çитерекен çулсене çĕнетсех тăраççĕ. Хальхи вăхăтра Аслă Таяпапа Шуршу ялĕсем хушшинчи çул-йĕре анлăлатассипе ĕçлеççĕ. Акционерсен уçă "Дорисс" обществин 4-мĕш стройуправленийĕ икĕ яла çыхăнтаракан çула çĕнетме пуçăннăранпа вăхăт нумай иртмерĕ. Çапах вĕсем 5 çухрăм çула анлăлатма ĕлкĕрчĕç çеç мар, 3,5 çухрăм çине те çĕнĕрен асфальт хучĕç. Çанталăк условийĕсене пула, кăçал ĕçе вăхăтлăха чарчĕç. Çул-йĕр ăстисем Канаш - Комсомольски - Елчĕк автоçул çине Аслă Таяпаран тухакан çула та юсарĕç. Çула анлăлатнă вăхăтра çĕнĕ технологипе - геосеткăпа усă кураççĕ. Çакă та çул-йĕр пахалăхне ỹстерме тивĕç - вăл малашне çуркаланмĕ. Малашне Шуршу ялне маршрутлă автобус çитесси пирки те шанăç пур. Çула çĕнетес енĕпе тепĕр çулталăкра каллех пысăк ĕçсем пурнăçламалла.
Сăн ỹкерчĕксенче: район администрацийĕн капиталлă строительство тата пурăнмалли çурт-йĕрпе коммуналлă хуçалăх пайĕн ертỹçи И.Кузнецов, ертсе пыракан специалисчĕ Н.Петров, акционерсен "Дорисс" уçă обществин 4-мĕш стройуправленин ертỹçи Б.Михайлов; хăватлă техника ĕçре.