Публикации » Сывă ăру табака хирĕç

10 ноября 2010 г.

Табак туртассинчен пăрăнмалли пĕтĕм тĕнчери куна тата республика шайĕнче иртекен "Çамрăксем - сывă пурнăç йĕркишĕн" акцие халалласа Елчĕкри тĕп библиотека ĕçченĕсем Елчĕк шкулĕнче 9-мĕш классенче вĕренекенсене (ертỹçисем Н.Кушмановăпа Л.Шепинова) йыхравласа "Сывă ăру" ятпа пысăк заняти йĕркеленĕ. Унта Елчĕкри тĕп больницăри нарколог тухтăр Р.Шакова, райадминистрацин вĕрентỹпе çамрăксен политикин пайĕн специалисчĕ Н.Малышкин хутшăннă, киревсĕр йăласен сиенĕ, сывă пурнăç йĕркин усси пирки калаçнă. Вĕренекенсем библиотека ĕçченĕсем хатĕрленĕ "Суйлама ирĕк пур" электронлă презентаципе тата кĕнеке куравĕпе кăсăклансах паллашнă.