Публикации » П.Семенов ял çыннисемпе тĕл пулнă

30 октября 2010 г.

 Раççей Федерацийĕн Патшалăх Думин депутачĕ Павел Семенов çак кунсенче пирĕн районта пулнă. Чи малтанах вăл "Единая Россия" партин вырăнти уйрăмĕнче Елчĕк ял тăрăхĕнче пурăнакансене хăйсен ыйтăвĕсемпе йышăннă, суйлавçăсен нумай ыйтăвĕсене хуравланă. Вĕсем шкул çулне çитмен ачасене ача садикĕсене вырнаçтарас, чирлĕ ачасене дистанци çыхăнăвĕпе вĕрентес тата ытти ыйтусемпе çыхăннă. Елчĕкре пурăнакан А.Ишмуратов хăйĕн сусăр ачине ятарлă программăпа дистанци мелĕпе пĕлỹ илес тĕллевпе 160 пин тенкĕлĕх оборудовани туянса панăшăн, Интернет çыхăнăвĕ йĕркелеме пулăшнăшăн тав тунă. Çав кунах Павел Семенов район центрĕнчи "Чебурашка" ача садне çитсе курнă. Çирĕклĕ Шăхаль ял тăрăхĕнче пурăнакансемпе тĕл пулнă. Унта район экономикипе социаллă аталанăвĕпе, районта пурăнакансен пурнăç условийĕсене лайăхлатас, наци проекчĕсене пурнăçа кĕртес тата ытти ыйтусене сỹтсе явнă.