Публикации » Площадка ăсталанă

27 октября 2010 г.

Елчĕкри Мир урамĕнче вырнаçнă çуртсенче сахал мар çамрăк çемье пурăнать, çавна май ачасем те йышлă. Çывăхра ача-пăча площадки çукран кунти шăпăрлансен центра çити пĕр километр çурă çула кĕскетме тивет. Çак чăрмава шута илсе ашшĕ-амăшĕ ял тăрăхĕн администрацийĕнчен ирĕк илсе микрорайон çывăхĕнчи пушă лаптăкра ачасене куллен выляса савăнмалли площадка хута янă. Лаптăка çỹп-çапран, çум-курăкран тасатса тикĕслес ĕçе аслăрах ачасене те явăçтарнă. Халĕ аслăрах çулсенчи ачасем çак площадкăра мини-футбол, волейбол е ытти вăйăсем выляма, кĕçĕнреххисем таканкки сикме пултараççĕ. Вĕсем куç умĕнче пулнăран ашшĕ-амăшĕ те лăпкă.