Публикации » Яваплă ĕç пурнăçланă

27 октября 2010 г.

Юпа уйăхĕн 14-25-мĕшĕсенче Пĕтĕм Раççейри халăх çыравĕ иртрĕ. Районта пурăнакансем çĕр-шыв пĕлтерĕшлĕ мероприятие яваплăха туйса хутшăнчĕç. Юпа уйăхĕн 24-мĕшĕ тĕлне çыравçăсем 7239 çуртпа хваттере шута илнĕ, пурĕ 19963 çынна (85,6 процент) çырнă. Çав шутран 9640 арçынна, 10323 хĕрарăма шута илнĕ. Юпа уйăхĕн 26-29-мĕшĕсенче контрольлĕ тĕрĕслев иртет - инструкторсем переписчиксемпе пĕрле çырав участокĕсенче пулса çуртсене суйласа илсе тепĕр хутчен тĕрĕслеççĕ. Çакăнпа çыравçăсен ĕçĕ вĕçленет. Сăн ỹкерчĕкре: Чăвашстатăн информаци уйрăмĕн ертỹçи, районта çырав ирттерессишĕн яваплă Ирина Мироненко (пĕрремĕш ретре, сылтăмра) çырав участокĕсен заведующийĕсемпе тата стационар участокĕсенчи переписчиксемпе пĕрле çыравçăсен ĕçне юлашки хут тĕрĕслеççĕ.