20 октября 2010 г.
Пĕтĕмĕшле пĕлỹ паракан вăтам шкулсенче вĕренекенсем хушшинче Раççей тата Чăваш Ен патшалăх символикине чи лайăх пĕлекенсен районти конкурсĕ иртнĕ. Унта 16 шкулти ачасем 4 номинаципе алă ĕçĕсем тăратнă. Уйрăмах Кĕçĕн Таяпари, Çирĕклĕ Шăхалĕнчи, В.Андреев ячĕллĕ Лаш Таяпари шкулсем палăрнă. "Декоративлă искусство" номинацире А.Петрова (Аслă Пăла Тимеш), А.Григорьев (Кушкă), Т.Остроумова (Елчĕк), "Манăн ялăн, шкулăн, районăн гербĕ" номинацире Д.Гаврилов (Патреккел), А.Митрофанова (Çирĕклĕ Шăхаль), "Литература пултарулăхĕ" номинацире А.Михайлова (Елчĕк), "Тĕпчев ĕçĕ" номинацире В.Ашмарин (Кĕçĕн Таяпа), М.Трофимова (Елчĕк) конкурс çĕнтерỹçисем пулса тăнă.