13 октября 2010 г.
Етĕрне хулинче 1992 çулта тата унтан каярах çуралнă каччăсемпе хĕрсем хушшинче йывăр атлетика енĕпе Чăваш Республикин чемпионачĕ иртрĕ. Елчĕксен команди 8 район хушшинче пĕрремĕш вырăна çĕнсе илме пултарчĕ. Район чысне Елчĕк, Курнавăш, Çĕнĕ Пăва тата Аслă Пăла Тимеш шкулĕсен вĕренекенĕсем хỹтĕлерĕç. Хăйсен виçисенче Елчĕкри Владимир Викторов, Алексей Шляпин, Курнавăшри Василий Новиков тата Çĕнĕ Пăвари Екатерина Ертмакова çĕнтерỹçĕсем пулса тăчĕç. Призерсен шутĕнче çавăн пекех Çĕнĕ Пăва шкулĕнче вĕренекен Алексей Грибов, Петр Чермаков тата Валентина Ананьева, Аслă Пăла Тимеш шкулĕнчи Александр Никитин, Елчĕкри Маргарита Портнова. Вĕсене пурне те дипломсемпе медальсем парса чысларĕç.