13 октября 2010 г.
Район администрацийĕн ЗАГС пайĕнчен пĕлтернĕ тăрăх, юлашки 3 уйăхра 57 пепке çут тĕнчене килнĕ. Çапах та çак кăтарту маларахри çулсемпе танлашаймасть - 2008 çулта - 59, 2009 çулта 63 ача çуралнă пулнă. Ашшĕ-амăшĕ ытларах Валерия, Виктория, Артур, Данил, Матвей ятсене кăмăллать. Сайра тĕл пулакансенчен Элина, Нелли, Дени ятсем те пур. Юлашки 3 уйăхра районти ялсенче 114 çын çут тĕнчерен уйрăлнă. Çакă иртнĕ çулхисенчен пысăкрах. Утă-авăн уйăхĕсенче 53 çамрăк мăшăр пурнăç çулĕпе пĕрле утма тĕв тунă, çав вăхăтрах 13 мăшăр пĕр-пĕрне килĕштерменни çинчен пĕлтернĕ.