Публикации » Электронлă майпа - патшалăх пулăшăвĕ

29 сентября 2010 г.

 Раççей Федерацийĕнчи миграци служби халăха электронлă майпа патшалăх пулăшăвĕ парать. Çак ансат мелпе усă курас тесен гражданинăн патшалăх тата муниципалитетăн пĕрлехи порталĕнче анчах регистрациленмелле. Паспорта вăхăтра улăштарманшăн, çĕнĕ вырăна куçса килнĕ хыççăн пурăнакан вырăнта вăхăтра регистраци туманшăн граждансене административлă майпа явап тыттарасси час-часах тĕл пулать. Хальхи вăхăтра электрон пулăшăвĕпе усă курса çак пăтăрмахсенчен хăтăлма май пур. Компьютер умĕнче ларсах гражданин паспорт илме заявлени тăратма пултарать. Паллах, федерацин миграци службин территори подразделенине пыма та юрать. Анчах çакна манмалла мар, вăйра тăракан законодательствăпа килĕшỹллĕн пурăнакан тĕп вырăнта Раççей Федерацийĕн гражданинĕн паспортне 10 кун хушшинче, вăхăтлăх пурăнакан вырăнта 2 уйăхра туса параççĕ.