Публикации » Туслă çыхăнура

29 сентября 2010 г.

Елчĕкри тĕп библиотека ĕçченĕсем Елчĕкри тĕп больницăри терапи уйрăмĕнче сипленекенсемшĕн ялан кĕтнĕ хăнасем. Библиотекарьсем чирлисем патĕнче час-часах пулнă май вĕсене çĕнĕ кĕнекесемпе паллаштарсах тăраççĕ. Краеведени секторĕн заведующийĕ Л.Иванова ертсе пынипе кунта "Ыр кăмăллăх" клуб та ĕçлет. Ватă çынсен пĕтĕм тĕнчери кунĕ умĕн вулавăш ĕçченĕсем терапи уйрăмĕнче ĕçлекенсемпе тата сипленекенсемпе тĕл пулса Е.Шуркина, Л.Ефимова, В.Иванова вулакансем библиотекăна парнеленĕ кĕнекесемпе паллаштарнă.