25 сентября 2010 г.
Çуран чупма юратакансене вырсарни кун, авăн уйăхĕн 26-мĕшĕнче, уяв кĕтет. Вĕсем 12 сехетре Елчĕкри Тĕп лапама "Нацисен кросне" ирттерме пухăнаççĕ. Тĕрлĕ дистанцисенче хăйсен пултарулăхне кăтартаççĕ кроссменсем. Шкулсенче 9-мĕш класа çитичченхи ỹсĕмри вĕренекен хĕр ачасем тата 35 çултан аслăрах хĕрарăмсем 1000 метрлă, шкулсенче 9-мĕш класа çитичченхи ỹсĕмри вĕренекен арçын ачасем, 10-11-мĕш классенче вĕренекен хĕр ачасем, 35 çула çитичченхи хĕрарăмсем, 40 çултан аслăрах арçынсем 2000 метрлă, шкулсенче 10-11-мĕш классенче вĕренекен арçын ачасем, 40 çула çитичченхи арçынсем 3000 метрлă дистанцисенче старта тухаççĕ. Çĕнтерỹçĕсене дипломсемпе призсем кĕтеççĕ. "Нацисен кросне" хутшăнакансен медицина ĕçченĕ-сем чупăва хутшăнма ирĕк пани пулмалла.